ہنگولی ضلع میں زلزلے کے ہلکے جھٹکے محسوس

ہنگولی، 25 جولائی (نامہ نگار): ہنگولی ضلع میں آج (25 جولائی) شام 6 بج کر 49 منٹ پر زلزلے کے ہلکے جھٹکے محسوس کیے گئے۔ زلزلہ پیما مرکز میں اس کی شدت ریختر اسکیل پر 3.1 درج کی گئی ہے۔ابتدائی اطلاعات کے مطابق زلزلے کا مرکز کلمنوری تعلقہ کے مہیس گواں علاقے میں تھا، جبکہ اس کی گہرائی زمین کے اندر تقریباً 5 کلومیٹرریکارڈ کی گئی ہے۔ضلع ڈیزاسٹر مینجمنٹ سیل سے موصولہ ابتدائی معلومات کے مطابق اس زلزلے کے نتیجے میں ضلع میں کسی بھی قسم کے جانی یا مالی نقصان کی اطلاع نہیں ہے۔ ضلع انتظامیہ مسلسل صورتحال پر نظر رکھے ہوئے ہے اور متعلقہ محکموں کو الرٹ رہنے کی ہدایت دی گئی ہے۔ضلع انتظامیہ نے شہریوں سے اپیل کی ہے کہ وہ کسی بھی قسم کی افواہوں پر یقین نہ کریں اور نہ ہی افواہیں پھیلائیں۔ انتظامیہ نے واضح کیا ہے کہ صرف ضلع انتظامیہ کی جانب سے وقتاً فوقتاً جاری کی جانے والی سرکاری ہدایات اور اطلاعات پر ہی اعتماد کیا جائے۔