شرڈ شاہ پور میں کریئر گائیڈنس پروگرام

شرڈ شاہ پور :5؍مئی ( نامہ نگار) ضلع پریشد پرائمری اور ہائی اسکول مینجمنٹ کمیٹی شرڈ شاہ پور اور شاہین اکیڈمی ناندیڑ کے اشتراک سے جماعت ہشتم تا دہم طلبہ کے لیے کریئر گائیڈنس اور کونسلنگ پروگرام لیا گیا جس میں سرپرست اور طلبہ نے شرکت کی۔ دسویں جماعت کے بعد اپنے کریئر کو کس طرح چُنے، میڈیکل، انجینئرنگ، مسابقتی امتحانات، شعبہ کامرس،شعبہ آرٹس وغیرہ میں اپنی دلچسپی اور صلاحیت کے حساب سے کیا بہتر ہو سکتا ہے اس سلسلے میں تفصیلا رہنمائی کی گئی۔اس پروگرام میں کونسلنگ کے لیے شاہین اکیڈمی ناندیڑ کی جانب سے محترم ارشاد احمد بشارت سر،محمد عمادالدین سر ، منور حسینی سر نے طلبہ کے رہنمائی کی اور شاہین اکیڈمی کا تعارف پیش کیا۔اس پروگرام کو کامیاب بنانے کے لیے شیخ آصف سر، شیخ شکیل سیٹھ اور مینجمنٹ کمیٹی کے ممبران نے تعاون کیا۔سابقہ اُپ سرپنچ سید قطب سر نے اظہار تشکر فرمایا اور نظامت شیخ غلام جاوید نے انجام دی۔