حج کی ادائیگی کے لیے روانگی سے قبل محسن میمن کی جانب سے شاندار دعوتِ طَعام

ملکاپور: 22 / اپریل (محمد احسان سر ) شہر ملکاپور کے معروف تاجر اور میمن برادری کی نمایاں شخصیت، ملن کلاتھ اسٹور کے مالک محسن میمن نے اپنی والدہ محترمہ کے ہمراہ فریضۂ حج کی ادائیگی کے لیے روانگی سے قبل اپنے دولت کدہ پر ایک پُروقار اور پرتکلف دعوتِ طَعام کا اہتمام کیا. یہ تقریب بدھ، 22 اپریل کو دن 12 بجے منعقد ہوئی، جس میں عزیز و اقارب، دوست احباب اور مقامی معززین نے بڑی تعداد میں شرکت کی.تقریب میں مہمانوں نے عازمینِ حج کو دل کی گہرائیوں سے مبارکباد پیش کی اور ان کے مقدس سفر کے لیے نیک تمناؤں اور دعاؤں کا اظہار کیا. اس موقع پر آکولہ سے تشریف لانے والے حاجی عابد بھائی میمن سمیت صحافی محمد احسان سر، قادر خان سکندر خان، جاوید منصور میمن، رحیم اشرف خان، حارث صدیق سپڑو، محمد عتیق، مشیر خان سر، نوید سر، پراپرٹی بروکر شیخ یونس ، عثمان بھائی، فرحان کے علاوہ جنید شہزادے اکبر، محمد رفیق میمن، آصف میمن، محمد مصطفیٰ، سلمان رفیق خان اور دیگر معزز شخصیات شریک رہیں. تقریب کے اختتام پر محسن میمن، امین میمن، انیس میمن اور ان کے اہلِ خانہ نے تمام مہمانوں کا پرتپاک خیرمقدم کرتے ہوئے شکریہ ادا کیا اور دعاؤں کی درخواست کی. اس موقع پر خوشی اور عقیدت کا ماحول دیکھنے میں آیا، جہاں ہر جانب عازمینِ حج کے لیے نیک خواہشات کا اظہار کیا گیا.