ناندیڑ ضلع میں اسلحہ و اجتماع بندی کا حکم نافذ 

ناندید: 13 ؍اگست(نمائندہ اعتبار) ناندید ضلع میں 15 اگست کی صبح 6 بجے سے 29 اگست 2025 کی آدھی رات تک ہتھیاروں پر پابندی اور کرفیو کا حکم نافذ رہے گا، ایسی معلومات ایڈیشنل ڈسٹرکٹ مجسٹریٹ کے دفتر سے دی گئی ہیں۔ضلع میں قانون و امن کی صورتحال برقرار رکھنے کے لیے ایڈیشنل ڈسٹرکٹ مجسٹریٹ نے مہاراشٹرا پولیس ایکٹ 1951 کی دفعہ 37 (1) اور (3) کے تحت 15 اگست کی صبح 6 بجے سے 29 اگست 2025 کی آدھی رات تک ہتھیاروں پر پابندی اور کرفیو کا حکم نافذ کیا ہے۔اس کے مطابق پانچ یا اس سے زائد افراد پر عوامی مقامات یا اس کے قریب اس حکم میں ذکر کردہ سرگرمیوں میں حصہ لینے پر پابندی عائد کی گئی ہے۔ یہ حکم ڈیوٹی پر موجود پولیس افسران، سرکاری ملازمین، شادی، آخری رسومات، مذہبی پروگرام، یاترا، اور دیگر مجاز حکام کی طرف سے خصوصی طور پر اجازت دیے گئے جلوسوں پر لاگو نہیں ہوگا۔ایسے جلوسوں کی اجازت دینے کا اختیار، نیز پانچ یا اس سے زائد افراد کے جمع ہونے، جلسوں، جلوسوں، مارچ نکالنے، اور لاؤڈ اسپیکر بجانے کی اجازت دینے کا اختیار ضلع کے پولیس اسٹیشن انچارج افسران اور ناندیڑ کے پولیس سپرنٹنڈنٹ کی طرف سے مجاز دیگر پولیس افسران کے پاس ہوگا۔