ضلع پریشد اور پنچایت سمیتیوں کی ابتدائی حلقہ بندی کا شیڈول جاری

ناندیڑ:15؍جولائی ( نمائندہ اعتبار) ناندیڑ ضلع میں ضلع پریشد اور اس کے تحت آنے والی 16 پنچایت سمیتیوں کے عام انتخابات کے لیے حلقہ بندی کا پروگرام جاری کر دیا گیا ہے۔ اس کے مطابق ابتدائی حلقہ بندی 14 جولائی 2025 کو ضمیمہ نمبر 5 (ا) اور 5 (ب) میں درج ذیل مقامات پر شائع کی گئی ہے۔ ضلع کلکٹر دفتر ناندیڑ کے نوٹس بورڈ پر، ضلع پریشد ناندیڑ کے دفتر کے نوٹس بورڈ پر، متعلقہ تعلقہ دفاتر کے نوٹس بورڈز پر، متعلقہ پنچایت سمیتیوں کے نوٹس بورڈز پر، نیز ضلع کلکٹر ناندیڑ کی سرکاری ویب سائٹ https://nanded.gov.in پر بھی یہ معلومات فراہم کی گئی ہے۔ ضلع پریشد اور پنچایت سمیتیوں کے ابتدائی حلقہ بندی کے مسودے پر اگر کسی کو کوئی اعتراض، مشورہ یا تجویز ہو تو وہ اپنی وضاحت کے ساتھ تحریری شکل میں ضلع کلکٹر آفس ناندیڑ یا متعلقہ تعلقہ دفتر میں 21 جولائی 2025 ء تک لازمی طور پر جمع کرائیں۔ اس تاریخ کے بعد موصول ہونے والے کسی بھی اعتراض، مشورے یا تجویز پر غور نہیں کیا جائے گا۔ یہ اطلاع ضلع کلکٹر راہول کرڈیلے نے پریس ریلیز کے ذریعے دی ہے۔