نبیلہ مریم بنت محمد اظہر الدین کا پہلا روزہ

ناندیڑ: 23؍فروری ( راست) حیدر باغ کی ساکن نبیلہ مریم بنت محمد اظہر الدین نے 9 سال کی عمر میں اپنی زندگی کا پہلا روزہ رکھ کراللہ تعالیٰ کی خوشنودی حاصل کرنا چاہی۔ کم سنی کے باوجود انہوں نے خوش دلی اور عزم کے ساتھ روزہ مکمل کیا، جس پر گھر والوں نے بے حد مسرت کا اظہار کیا۔نبیلہ مریم کے اس قابلِ تحسین اقدام پر اہلِ خانہ نے انہیں دعاؤں سے نوازا اور ان کے روشن و کامیاب مستقبل کے لیے نیک خواہشات پیش کیں۔ کم عمری میں عبادت کا شوق یقیناً بہترین دینی تربیت کی علامت ہے۔اللہ تعالیٰ سے دعا ہےکہ نبیلہ مریم کو دین و دنیا کی کامیابیوں سے سرفراز فرمائے، انہیں صحت و عافیت کے ساتھ نیک راستے پر قائم رکھے، علم و عمل میں برکت عطا کرے اور ان کے اس معصوم جذبے کو اپنی بارگاہ میں قبول فرمائے۔ آمین۔