ناندیڑ ضلع میں 1 ہزار 362 آپلے سرکار سیوا کیندر منظور

ناندیڑ:12؍فروری ( نامہ نگار)  ناندیڑ ضلع کی گرام پنچایت حدود میں ’’آپلے سرکار سیوا کیندر (سیتو)‘‘ شروع کرنے کا فیصلہ ضلع سیتو کمیٹی، ناندیڑ نے کیا ہے۔ ضلع کی کل 1 ہزار 322 گرام پنچایتوں میں 1 ہزار 362 آپلے سرکار سیوا کیندروں کو منظوری دی جائے گی۔ لہٰذا شہریوں سے اپیل کی گئی ہے کہ وہ آپلے سرکار سیوا کیندر کے لیے درخواست کا عمل 14 فروری صبح 11 بجے سے لے کر 23 فروری 2026 شام 6 بجے تک آن لائن طریقے سے مکمل کریں، یہ اپیل ضلع کلکٹر راہل کرڈیلے نے کی ہے۔مزید یہ کہ خواہشمند افراد دی گئی لنک پر جا کر ضروری معلومات درست طور پر پُر کر کے درخواست جمع کریں۔ دیہی علاقوں کے شہریوں کو حکومت کی مختلف اسکیمیں اور خدمات آسان، شفاف اور تیز رفتاری سے فراہم کرنا اس مہم کا بنیادی مقصد ہے۔ ’’آپلے سرکار سیوا کیندر‘‘ کے ذریعے مختلف دستاویزات، سرٹیفکیٹس، لائسنس، سرکاری درخواستیں اور مختلف آن لائن خدمات گاؤں کی سطح پر دستیاب ہوں گی۔ اس سے شہریوں کو بار بار تعلقہ یا ضلع ہیڈکوارٹر جانے کی ضرورت نہیں پڑے گی، جس سے وقت، محنت اور اخراجات کی بچت ہوگی۔اس مہم کے باعث دیہی علاقوں کے نوجوان لڑکے لڑکیوں اور معذور افراد کو خود روزگار کے بڑے مواقع حاصل ہوں گے۔ خالی گاؤں کی کل جگہوں میں سے 5 فیصد جگہیں معذور افراد کو ترجیحی طور پر دی جائیں گی۔ مذکورہ اشتہار، خالی گاؤں کی فہرست اور شرائط و ضوابط سے متعلق تفصیلی معلومات ناندیڑ ضلع کی سرکاری ویب سائٹ [https://nanded.gov.in](https://nanded.gov.in) پر دستیاب ہیں۔ شہریوں سے اپیل کی گئی ہے کہ وہ اس ویب سائٹ کا دورہ کریں۔