مدنی مسجد میں سات روزہ دینی تعلیم کا اہتمام

بدھا کھیڑا :29 جون (راست)مسلم جل کلیان ٹرسٹ اور جماعت اسلامی ہند نے مشترکہ طور پر ضلع حصار کی اوکلانہ تحصیل کے گاؤں بدھا کھیڑا کے اندر مدنی مسجد میں سات روزہ دینی تعلیم کا اہتمام کیا۔ اس تقریب میں سو سے زائد بچوں نے حصہ لیا اور بہترین دس طلباء کو انعامات سے نوازا گیا۔ اس پروگرام میں شرکت کرنے والے جماعت اسلامی ہند کے سربراہ اور کانتی پتریکا کے ایڈیٹر شری صابر صاحب مہمان خصوصی تھے۔ کروکشیتر یونیورسٹی کے اردو کے اسسٹنٹ پروفیسر منجیت سنگھ اور میوات سے اردو زبان کے ترجمان پرکاش چند رشید مرکزی مقررین تھے۔ دونوں نے مشترکہ طور پر کہا کہ ہمیں اپنے نبی کریم صلی اللہ علیہ وسلم کی سیرت کے ساتھ ساتھ نماز پڑھنے کے طریقے اور وضو کرنے کے طریقوں پر روشنی ڈالنے کی ضرورت ہے ۔اس موقع پر سریندر بیلوال نے صدارتی تقریر کی اور بچوں کو آگے بڑھنے کے طریقے بتائے۔