رکن اسمبلی پرتاپ پاٹل چکھلیکر کی سالگرہ کے موقع پر مشاعرے کا انعقاد

ناندیڑ: 26؍جولائی(شیخ عمران) لوہا قندھاراسمبلی حلقے کے مقبول رکن اسمبلی اور سابق رکن پارلیمان پرتاپ راؤ پاٹل چکھلیکر کی سالگرہ کے موقع پر مورخہ 2 اگست کو شام 5 بجے شَنکر راؤ چوہان آڈیٹوریم، ناندیڑ میں مہاراشٹر کے نامور شعرا کا شاندار مشاعرہ منعقد کیا جا رہا ہے۔ اس کی اطلاع مشاعرے کے منتظم اور نیشنلسٹ کانگریس پارٹی کے ضلعی نائب صدر مادھو پاؤڈے نے میڈیا سے گفتگو کے دوران دی۔ایم ایل اے پرتاپ راؤ پاٹل چکھلیکر جو اپنی عوامی خدمات اور مقبولیت کی وجہ سے ناندیڑ ضلع کے عوامی لیڈر کے طور پر جانے جاتے ہیں، ان کی سالگرہ امسال بھی مختلف عوامی و ثقافتی پروگراموں کے ذریعے منانے کا عزم کیا گیا ہے۔ اسی سلسلے میں مادھو پاؤڈے کی قیادت میں یہ مشاعرہ منعقد ہو رہا ہے، جس کا افتتاح خود ایم ایل اے پرتاپ راؤ پاٹل چکھلیکر کے ہاتھوں کیا جائے گا۔
اس مشاعرے میں جو شعرا اپنا کلام پیش کریں گے ان میں شامل:
نارائن پوری (اورنگ آباد)
نیلیش چوہان (اورنگ آباد )
توکارام دھاندے (اِگت پوری)
مکند راجپنکھے (امباجوگائی)
کشور بلی (اکولہ)
پربھاکر سالے گاؤںکر (ماجل گاؤں)
سنجیوَنی تڈےگاؤںکر (جالنہ)
راجے صاحب قدم (احمدپور)
کیشو کھٹنگ (پربھنی)
شواجی امبولگےکر (ناندیڑ)
شری نیواس مسکے، شنکر راٹھوڑ، روہنی پانڈے اور منوہر بسنوتے۔
ساون کے مہینے اور برسات کے موسم میں یہ کلام ناندیڑ کے سامعین کو کلام کی بوندوں سے تر و تازہ کر دے گا۔ مادھو پاؤڈے نے ناندیڑ کے شعر و ادب سے محبت رکھنے والے حضرات سے اپیل کی ہے کہ وہ کثیر تعداد میں اس مشاعرے میں شرکت کر کے شعرا کی حوصلہ افزائی کریں اور اس ادبی محفل سے لطف اندوز ہوں۔