2025 میں ناندیڑ ضلع کی تین مقامی تعطیلات کا اعلان

ناندیڑ:8؍جنوری ( نامہ نگار) ضلع کلکٹر ابھجیت راؤت کے اختیارات کے تحت سال 2025 ء کی تین مقامی چھٹیاں آج ضلع انتظامیہ کی جانب سے اعلان کی گئی ہیں۔ضلع کلکٹر ابھجیت راؤت نے آج اعلان کردہ چھٹیوں میں 17 جنوری، 1 ستمبر اور 18 دسمبر کی تاریخوں کو چھٹی قرار دیا ہے۔ان میں 17 جنوری کو حضرت حاجی سیاح سکھرے مخدوم ؒبڑی درگاہ قندہار عرس، 1 ستمبر کو جیشٹھا گوری پوجن اور 18 دسمبر کو شری کھنڈوبا مالیگاؤں یاترا کے موقع پر چھٹیاں دی گئی ہیں۔ضلع انتظامیہ نے واضح کیا ہے کہ یہ تینوں چھٹیاں مرکزی حکومت کے دفاتر، عدالتوں اور بینکوں کے علاوہ ریاستی حکومت کے تمام دفاتر، مقامی خود مختار اداروں، اسکولوں اور کالجوں پر نافذ ہوں گی۔