11 ریاستوں میں مردوں سے زیادہ خواتین ووٹرز: رپورٹ

نئی دہلی، 3 اپریل۔بدھ کو ایک رپورٹ کے مطابق، گیارہ ریاستوں میں 2024 میں مرد ووٹرز سے زیادہ خواتین ووٹرز ہیں۔ کیرالہ میں ان کی تعداد سب سے زیادہ ہے۔ رپورٹ میں 2024 کے عام انتخابات میں خواتین کے کردار اور شرکت پر روشنی ڈالی گئی ہے۔ نئی دہلی میں قائم پبلک پالیسی ریسرچ اینڈ کنسلٹنسی فرم کوانٹم ہب کی ایک رپورٹ میں انکشاف کیا گیا ہے کہ کیرالہ میں خواتین ووٹرز کی تعداد مرد ووٹرز سے زیادہ ہے۔ کل ووٹرز میں 51 فیصد خواتین ہیں۔ اس کے بعد گوا، میزورم، منی پور اور تمل ناڈو آتا ہے۔ اس کے برعکس ہریانہ، اتر پردیش، پنجاب، بہار اور اتراکھنڈ جیسی ریاستوں میں خواتین ووٹرز کا حصہ سب سے کم ہے۔ اس عام انتخابات میں خواتین ووٹرز کا حصہ بھی دو دہائیوں میں سب سے زیادہ یعنی 48.6 فیصد ہے۔ اتر پردیش، مغربی بنگال اور بہار میں 2019 کے بعد سب سے زیادہ نئی خواتین ووٹرز ہیں۔ ٹی کیو ایچ کنسلٹنگ کی شریک بانی، اپراجیتا بھارتی نے کہا، "ایک ووٹر کے طور پر خواتین پہلے سے کہیں زیادہ اہم ہو گئی ہیں۔ یہ علاقائی اور قومی جماعتوں کے انتخابات سے پہلے کے وعدوں سے بھی ظاہر ہوتا ہے۔” انہوں نے کہا، "ہم خواتین ووٹرز کی بڑھتی ہوئی اہمیت کو اجاگر کرنے اور اس کا پتہ لگانے کی کوشش کر رہے ہیں۔ سیاسی شرکت اور نمائندگی ملک میں خواتین کو بااختیار بنانے کی طرف پیش رفت کے لیے اہم ہے۔”