یووا دِشا پروگرام کے تحت طلبہ میں تعلیمی شعور اجاگر کرنے کی کامیاب کوشش

ناندیڑ:8؍جنوری ( نامہ نگار) یووا دِشا کے تحت طلبہ و طالبات میں تعلیمی شعور بیدار کرنے کا سلسلہ گزشتہ کئی سالوں سے جاری ہے۔ اس سلسلے میں گزشتہ روز راج اردو پرائمری و ہائی اسکول ، ناندیڑ میں ایک اہم پروگرام کا انعقاد کیا گیا۔ اس پروگرام کا مقصد طلبہ کو دسویں جماعت کے امتحانات کی تیاری میں مدد فراہم کرنا، وقت کی بہتر منصوبہ بندی کے طریقے سکھانا، اور پیپر پیٹرن کے بارے میں جامع معلومات فراہم کرنا تھا۔پروگرام کے دوران طلبہ کو نہ صرف امتحانات کی بہتر تیاری کے اصول سکھائے گئے بلکہ ان کے ذہنوں سے امتحان کے خوف کو نکالنے کی کوشش بھی کی گئی۔ اس موقع پر طلبہ کو بتایا گیا کہ وقت کی پابندی، درست منصوبہ بندی اور امتحان کے پیپر پیٹرن کو سمجھنا کس قدر ضروری ہے۔ پروگرام میں موٹیویشنل اسپیکر محمد عارف شیخ سر جو گزشتہ 22 سالوں سے تعلیمی میدان میں قوم کے نونہالوں کی رہنمائی کرتے آ رہے ہیں، انہوں نے طلبہ کو نہایت آسان اور مؤثر انداز میں بتایا کہ امتحانات کے دوران خود اعتمادی اور محنت کی اہمیت کتنی زیادہ ہے۔ ان کے حوصلہ افزا اور متاثر کن الفاظ نے طلبہ کے دلوں میں نئی امید اور جوش پیدا کر دیا۔پروگرام کے اختتام پر اسکول انتظامیہ نے یووا دِشا کی کاوشوں کو سراہتے ہوئے اس طرح کے مزید پروگرام منعقد کرنے کی ضرورت پر زور دیا۔ محمد عارف شیخ نے بھی اس عزم کا اعادہ کیا کہ وہ طلبہ کی رہنمائی کے لیے ہمیشہ تیار ہیں۔ اسکول انتظامیہ نے ان کے ساتھ مستقل تعاون کا یقین دلایا اور والدین سے اپیل کی کہ وہ بھی اپنے بچوں کو اس طرح کے تعلیمی پروگراموں میں شرکت کے لیے حوصلہ دیں۔تعلیمی شعور اجاگر کرنے کے اس مشن کو آگے بڑھانے کے لیے اسکولوں اور تعلیمی ادارے موٹیویشنل اسپیکر محمد عارف شیخ سر (9595954348) سے رابطہ کرسکتے ہیں۔ ان جیسے افراد کے ذریعے طلبہ کے اندر تعلیمی کامیابی کے لیے ضروری اعتماد اور محنت کا جذبہ بیدار کیا جا سکتا ہے۔یووا دِشا کے تحت اس پروگرام نے طلبہ کو بہتر تعلیمی مستقبل کے لیے ایک مؤثر راہ دکھائی ہے۔ توقع کی جا رہی ہے کہ اس قسم کے پروگرامز مزید طلبہ کو ان کی زندگی کے مقاصد کے حصول میں مددگار ثابت ہوں گے۔