گھرکُل یوجنا کے لیے رجسٹرڈ جی پی قبول کی جائے : شمیم عبداللہ

ناندیڑ:17؍ستمبر(نامہ نگار)مرکزی حکومت نے پی ایم وائے گھر کُل اسکیم مرحلہ -2 شروع کیا ہے اس میں نئے شرائط کے تحت گھر کی رجسٹری لازمی بتائی گئی ہے۔ ناندیڑ شہر میں گھرکُل کا فائدہ اٹھانے کے لیے درخواست داخل کرتے وقت رجسٹری مانگی جارہی ہے ۔ کئی افراد کے پاس ان کے پلاٹ یا گھر کی صرف پاور آف اٹارنی یعنی رجسٹرڈ جی پی ہوتی ہے۔ اس کے سبب کئی لوگ گھرکُل اسکیم سے محروم رہ سکتے ہیں۔اس بات کومد نظر رکھتے ہوئے سابق ڈپٹی میئر شمیم عبداللہ نے میونسپل کمشنر سے ملاقات کر کے انہیں ایک میمورنڈم پیش کیا اور کہا کہ جن درخواست گذاروں کے پاس رجسٹرڈ پاو ر آف اٹارنی یعنی جی پی موجود ہے ان کے فارم بھی قبول کر کے منظور کئے جائیں۔ اس موقع پر ان کے ساتھ سابق کارپوریٹر محمد ناصر، عبدالطیف و دیگر موجود تھے۔