گورنمنٹ ڈگری کالج برائے اناث گولکنڈہ کے تحت صفائی وشجرکاری مہم

حیدرآباد۔7/مارچ(راست)حکومتِ تلنگانہ کے محکمہ تعلیم کی ہدایات کے مطابق پرجا پالنا۔ پرگتی پرنالیکا“ کے تحت 6 مارچ سے 15 مارچ تک 10 روزہ ریاست گیر خصوصی مہم کا باضابطہ آغاز کیا گیا ہے۔اس مہم کا بنیادی مقصد ریاست کے تمام سرکاری اسکولوں، کالجوں اور محکمہ تعلیم کے ماتحت دفاتر میں تعلیمی معیار کو بہتر بنانے کے ساتھ ساتھ ایک خوشگوار اور صحت مند ماحول فراہم کرنا ہے۔ اسی سلسلے میں، گورنمنٹ ڈگری کالج برائے اناث، گولکنڈہ کی پرنسپل پروفیسر ٹی۔سری لکشمی نے آج کالج میں ماحولیاتی تحفظ کے تحت شجرکاری کی پرنسپل صاحبہ نے کالج کے ہر کمرے کا معائنہ کیا اور صفائی کو یقینی بنایا۔ اس سرگرمی میں NSS یونٹ، تدریسی و غیر تدریسی عملہ اور طالبات نے بڑھ چڑھ کر حصہ لیا اور مشترکہ طور پر تمام کلاس رومز، لیبارٹریز، لائبریری اور دیگر کمروں کی مکمل صفائی کی۔