کانگریس نے پبلک سیکوریٹی قانون اور وزیر زراعت مانیک راؤ کوکاٹے کے خلاف کیا شدید احتجاج اور قانون کو منسوخ کرنے کا کیا مطالبہ اور دیا میمورنڈم

ملکاپور: 23/جولائی ( محمد احسان سر ) موصولہ اطلاع کے مطابق ملکاپور تعلقہ اور شہر کانگریس کے کارکنوں نے مہاراشٹرا قانون ساز اسمبلی کے ذریعہ منظور کئے گئے خصوصی پبلک سیکورٹی قانون کے خلاف پرامن احتجاج کیا اور اس کی کاپیوں کو نذرآتش کیا ساتھ ہی اسے منسوخ کرنے کا مطالبہ کیا اور بذریعہ تحصیلدار ایک میمورنڈم بنام معزز گورنر کو پیش کیا گیا۔ مہاراشٹر میں مہاوتی حکومت نے نئے منظور شدہ پبلک سیکورٹی ایکٹ کو پاس کرنے اور اسے نافذ کرنے کا فیصلہ کیا ہے۔ چونکہ پبلک سیکیورٹی ایکٹ سیکیورٹی کے نام پر عام لوگوں کے اظہار رائے کی آزادی پر غیر مجاز پابندی لگاتا ہے، اس لیے اس قانون کو منسوخ کرنا انتہائی ضروری ہے۔ کیونکہ اگر کوئی عام شخص یا سیاسی جماعت یا سماجی تنظیم کسی حکومت میں کسی وزیر، ایم ایل اے یا سرکاری اہلکار کی غلط کاریوں اور بدعنوانی کے خلاف آواز اٹھاتی ہے تو ریاستی حکومت اس عمل کو قومی مفاد کے خلاف سمجھتی ہے اور پبلک سیکورٹی ایکٹ کے ذریعے اس کے خلاف غیر مجاز کارروائی کرنے کا حق محفوظ رکھتی ہے۔ اس لیے حکومت اس قانون کے ذریعے عوام اور جمہوری ذرائع کو دبا رہی ہے۔ حکمران جماعت کی غلط پالیسی کی حقیقت کو دنیا کے سامنے لانے سے عوام کو روکنے کی ریاستی حکومت کی یہ من مانی پالیسی ناقابل قبول ہے۔ ریاست کی مختلف سماجی تنظیموں، اپوزیشن کی مختلف سیاسی جماعتوں کے ساتھ ساتھ مہاراشٹر میں انڈین نیشنل کانگریس کمیٹی کے عہدیداروں نے اس قانون کی مخالفت کی ہے۔ اس قانون کو فوری طور پر منسوخ کرنے کے مطالبے کے باوجود حکومت نے یہ بل منظور کر لیا ہے۔ مہاراشٹرا ریاستی حکومت کے حال ہی میں منعقدہ اجلاس میں کسانوں کے مسائل پر توجہ دیںٔے بغیر مہاراشٹر کے وزیر زراعت مانیکراؤ کوکاٹے کا آن لائن رمی کارڈ گیم کھیلنے کا ایک ویڈیو حال ہی میں وائرل ہوا ہے۔ ایک طرف جہاں مہاراشٹر کے کسان قرضوں کے بوجھ تلے دبے ہوئے ہیں اور قدرت کی بے رحمی کی وجہ سے مختلف مسائل سے دوچار ہیں، وہیں اس وزیر زراعت کو جو ان کسانوں کو راحت دینے کا کوئی فیصلہ نہیں کر رہے ہیں، اس لیے انھیں فوری طور پر معطل کرکے استعفیٰ دینے کو کہا جائے تاکہ کسانوں کو مناسب انصاف دلانے میں اپنا کردار ادا کیا جاسکے۔ ملکاپور شہر اور تعلقہ کانگریس کمیٹی کی جانب سے ملکاپور تحصیلدار کے ذریعہ اس موضوع کے تحت ایک میمورنڈم معزز گورنر کو دیا گیا ہے۔ اس موقع پر ڈاکٹر اروند کولتے ، حاجی رشید خان جمعدار، ایڈوکیٹ ہریش راورڈ، مسز منگلاتائی پاٹل، راجیندر واڈیکر، سوپن راؤ شیلکر، پرمود دادا آوسرمول، سمبھاجی شرکے، عطا الرحمن جمعدار، راجو پاٹل، یوسف خان عثمان خان، ایڈوکیٹ جاوید قریشی ، ڈاکٹر سلیم قریشی، سوہاس چورے، گھنشیام بھاؤ پروہت، انیل گاندھی، روہن دیش مکھ، انیل باگاڈے، پروین پاٹل، ذاکر میمن، کسن راؤ پاٹل، حاجی عثمان ماسٹر، واجد خان پترکار، گریش دیشمکھ، ساجد خان، وجو بپا نرمل، ونے کالے، گیان دیو تایڈے، فیروز افسر خان لیڈر ، اصغر جمعدار ، عظمت جمعدار ، گجیندر بھاؤ سونونے، اقبال خان ، اعجاز شاہ، رویندر پاٹل، پرشانت نافڈے، سلیم ایم ایس، آصف خان داؤد خان، رؤف سیٹھ کیلے والے، ایوب شاہ، صادق شیخ، راجو اکھرڈے، راجیندر وانکھیڑے، شیرخان، اشوک مراٹھے، ناناراؤ واگھ، ولاس کھرچے، اشوک مراٹھے، اشرف پینٹر ، جاوید ٹھیکدار، کیلاش تاٹے ، ایوب ٹھیکدار ، اشوک جاجو، سلیم بومبے ، شکیل پٹھان ، انیل مندھوکار, گوپال تاندوڑے کے علاوہ دیگر شہری اور کانگریسی لیڈران، عہدیداران اور کارکنان موجود تھے۔ اس پروگرام کا اہتمام ملکاپور شہر کانگریس کمیٹی کے صدر حاجی رئیس خان جمعدار اور تعلقہ کانگریس کمیٹی کے صدر انل بھارمبے نے کیا تھا۔