کارنجہ لاڈ، ایڈوکیٹ جنید خان این سی پی اجیت پوار گٹ میں شامل

ملکاپور: 17/نومبر ( محمد احسان سر ) کارنجہ شہر کے معروف وکیل اور با اثر سماجی کارکن ایڈوکیٹ جنید خان نے راشٹروادی کانگریس پارٹی (اجیت دادا پوار گٹ ) میں شمولیت اختیار کر لی ہے۔ نگر پریشد کے انتخابات سے عین قبل ان کے اس اقدام نے سیاسی حلقوں میں ہلچل مچا دی ہے۔ ایڈوکیٹ خان نے اپنے سینکڑوں کارکنوں کے ساتھ ایم ایل اے سنجے کھوڈکے کی موجودگی میں کھلے عوامی طور پر این سی پی اجیت دادا پوار گٹ میں شمولیت اختیار کی۔ 15 نومبر کو شام 5 بجے شہر کے راںٔل پیلیس میں این سی پی کارنجہ تعلقہ کارکنوں کا ایک عظیم الشان کنونشن منعقد کیا گیا۔ کنونشن میں قانون ساز کونسل کے رکن سنجے کھوڈکے اور سابق وزیر سبھاش راؤ ٹھاکرے نے شرکت کی ساتھ ہی سابق ضلع پریشد چیرمین چندرکانت دادا ٹھاکرے، سابق ضلع پریشد چیرمین دلیپ بھاؤ جادھو، سابق سماجی بہبود چیرمین جئے کشن بھاؤ راٹھور، میونسپل کونسل کے سابق نائب صدر ایڈوکیٹ ایم. ٹی۔خان، واحد بھائی شیخ اور دیگر معززین موجود تھے۔ اپنے فیصلے کا اعلان کرتے ہوئے جنید خان نے کہا کہ وہ ڈپٹی چیف منسٹر اجیت دادا پوار کی قیادت پر اعتماد میں راشٹروادی کانگریس پارٹی ( این سی پی) میں شامل ہو رہے ہیں۔ ان کے ساتھ پارٹی کے سینکڑوں کارکنوں نے بھی این سی پی کا جھنڈا اٹھایا ہیں . پارٹی لیڈروں کا کہنا ہے کہ ایڈوکیٹ خان کا پارٹی میں داخلہ این سی پی-اجیت دادا پوار گٹ کے لیے ایک اہم فروغ ثابت ہوگا۔ ان کی آمد سے نہ صرف میونسپل کونسل کے انتخابات میں بلکہ کارنجہ میں بھی سیاسی تبدیلی کی توقع ہے۔ جنید خان سیاسی علم و تجربہ کے ساتھ ایک اعلیٰ تعلیم یافتہ اور معروف وکیل ہیں۔ کارنجہ شہر ہمہ جہت ترقی کا مستحق ہے، اور انکا ہدف شہر کی مجموعی ترقی ہے۔ اس خیال کا اظہار جنید خان نے کیا ہے۔