ڈاکٹر اے پی جے عبدالکلام اردو اسکول شولاپور میں ’’ یوم اقلیتی حقوق‘‘ کا شاندار انعقاد

شولاپور :19؍دسمبر(راست) ڈاکٹر اے پی جے عبدالکلام اردو اسکول شولاپور کے زیر اہتمام گزشتہ روز یوم اقلیتی حقوق کا انعقاد عمل آیا۔۱۸ دسمبر ۱۹۹۲ کو اقوام متحدہ کی طرف سے مذہبی، نسلی، اور لسانی اقلیتوں کے حقوق کے اعلامیہ کو اپنانے کی یاد دلاتا ہے ،اس لئے یہ دن بیداری پیدا کرنے، ثقافتی ورثے کے تحفظ، اور اقلیتوں کے لئے مساوی مواقع اور وقار کو یقینی بنانے پر زور دیتا ہے۔اس مقصد کو بروئے کار لانے کے لئے طلبہ و طالبات میں یوم اقلیتی حقوق پر ڈرائنگ مقابلے کا انعقاد کیا گیا۔جس میں تمام طلبہ و طالبات نے شرکت کی۔اسکول کے صدر مدرس جناب اشفاق احمد ساتکھیڑ سر نے یوم اقلیتی حقوق پر اپنے خیالات کا اظہارکیا۔اس جلسے کی صدارت ادارے کے چیئرمین جناب محبوب تامبولی سر نے فرمائی۔جنھوں نے اپنے تاثرات پیش کرتے ہوئے کہا کہ آج اپنے حقوق کو حاصل کرنے کے لئے ہمیں جدوجہد کرنی ہوگی۔اور اپنی آئینی تحفظات کی حفاظت کرنا ہوگا۔اس اجلاس میں اسکول کے تمام اساتذہ محترمہ رضوانہ قاضی آپا، محترمہ امرین فراش آپا، محترمہ رخسانہ شلیدار اپا، محترمہ ثناء پروین وڈالے آپا، محترمہ گلناز شلیدار آپا، موجود تھے۔