پی ایم شری ضلع پریشداردو اسکول تیر میں یومِ ترغیبِ مطالعہ منایا گیا

عثمان آباد:15؍اکتوبر(راست) آج مورخہ 15 اکتوبر 2025 کو ضلع عثمان آباد کے مشہور و معروف ادارے پی ایم شری ضلع پریشد اردو اسکول تیر میں سابق صدر جمہوریہ و میزائل مین ڈاکٹر ابوالفاخر زین العابدین عبدالکلام صاحب کا یوم ولادت بطور یومِ ترغیب مطالعہ منایا گیا۔اس موقع پر تقریب کی صدارت ادارے کے روحِ رواں صدر مدرس جناب محترم شاہ طیب علی سر نے فرمائی۔اساتذہ کرام نے طلبہ عزیز کو ڈاکٹر عبدالکلام صاحب کی زندگی کے حالات و واقعات سے روشناس کرایا۔زندگی میں ایثار و قربانیاں اور محنت و مشقت کے ذریعے کس طرح اپنے عزم کو حاصل کیا جا سکتا ہے یہ بات اپنی تقاریر میں معلمین و معلمات نے پیش کیں۔بعد ازاں تمام اساتذہ و طلبہ عزیز نے کتب خانے سے کتابیں حاصل کر کے اپنا وقت مطالعے میں گزارا۔بچوں نے اس تقریب سے محظوظ ہوتے ہوئے بڑھ چڑھ کر مطالعے میں حصہ لیا۔اس طرح یوم ترغیب مطالعہ کی تقریب اختتام پذیر ہوئی۔