پستول لے کر گھومنے والا نوجوان پولیس کی حراست میں

ناندیڑ: 21؍نومبر ( نمائندہ اعتبار) گزشتہ روز وزیر آبادپولیس اسٹیشن کے حدود میں ہنگولی گیٹ اوور بریج کے پاس ایک 28 سالہ نوجوان کے قبضہ سے پولیس ڈپٹی سپرنٹنڈنٹ سورج گُرو اور اسسٹنٹ پولیس انسپکٹر چندر کانت پوار اور ان کے معاون پولیس ملازمین نے دو دیسی پستول کے علاوہ 6 زندہ کارتوس ضبط کیے ہیں۔تفصیلات کے مطابق 20 نومبر کی شب پولیس ڈپٹی سپرنٹنڈنٹ سورج گُرو، لمبگاؤں کے اسسٹنٹ پولیس انسپکٹر چندر کانت پوار اور ان کے ماتحت معاون پولیس افسران و ملازمین نے ایک خفیہ اطلاع کی بنیاد پر ہنگولی گیٹ اوور بریج کے پاس سے سُمیر مہیش سنگھ بیس ( 28 سال، ساکن گاڑی پورہ، ناندیڑ) کو حراست میں لے کر اس کے قبضہ سے دو دیسی پستول اور 6 زندہ کارتوس ضبط کیے ہیں۔ اس معاملہ میں سب انسپکٹر شیوراج جمداڑے کی شکایت پر وزیر آباد پولیس اسٹیشن میں تعزیرات ہند کی دفعہ 3/25 کے تحت جرم نمبر 531/2023 درج کیا گیا ہے۔ اس معاملہ کی تحقیقات سب انسپکٹر رام داس کیندرے کررہے ہیں۔ مذکورہ کارروائی ضلع پولیس سپرنٹنڈنٹ شری کرشن کوکاٹے، ایڈیشنل پولیس سپرنٹنڈنٹ ابیناش کمار کی رہنمائی میں کی گئی۔