ٹرمپ کی ریلی میں شریک شخص کی فائرنگ سے ہلاکت، عینی شاہدین کیا کہتے ہیں؟

پنسلوانیا:14؍جولائی:ہفتے کے روز ڈونلڈ ٹرمپ کی ریلی میں فائرنگ کے واقعے کا آنکھوں دیکھا بتانے والے ایک عینی شاہد نے بتایا ریپبلکن صدارتی امیدوار پر بظاہر قاتلانہ حملے کے دوران ان کے برابر والا ایک شخص گولی لگنے سے ہلاک ہوا۔”میں نے کئی گولیوں کی آوازیں سنی۔ میرے برابر والے شخص کو سر پر گولی لگی، وہ فورا مارا گیا (اور) بلیچر کے نیچے گر گیا۔ ایک اور عورت کو لگتا تھا کہ بازو یا ہاتھ میں گولی لگی۔” اس شخص نے این بی سی نیوز کو بتایا جس کا نام صرف جوزف بتایا گیا۔انہوں نے کہا، لگتا تھا کہ متثرہ شخص "صدر کے اور جو بھی گولی چلا رہا تھا، اس کے درمیان حائل تھا۔”ایک دوسرے گواہ نے متثرین میں سے ایک کی مدد کرنے کی کوشش کے بارے میں بتایا۔ اس نامعلوم شخص نے کہا کہ وہ ایک ایمرجنسی ڈاکٹر تھا۔آدمی نے کہا، "وہاں کوئی چیخ رہا تھا کہ اسے گولی لگی ہے، اسے گولی لگی ہے اس لیے میں راستہ بنا کر وہاں پہنچا۔ میں نے کہا کہ میں ایمرجنسی ڈیپارٹمنٹ کا ڈاکٹر ہوں، مجھے مدد کرنے دیں۔” اس نے یو ایس اے کی سفید ٹی شرٹ پہن رکھی تھی جو خون سے داغدار تھی اور ایک سرخ ایم اے جی اے والی ٹوپی۔اس نے اپنے سر پر اشارہ کرتے ہوئے کہا، "لڑکا ادھر ادھر گھوما، بینچوں کے درمیان پھنس گیا تھا۔ اسے یہاں سر پر گولی لگی تھی۔”بہت زیادہ خون بہہ رہا تھا اور اسے شدید دماغی چوٹ آئی تھی۔” اس شخص نے تبصرے جاری رکھے جو امریکی میڈیا پر بڑے پیمانے پر پھیل گئے۔ٹرمپ نے کہا کہ ان کے کان میں چوٹ لگی تھی لیکن وہ مسلح شخص کے ہاتھوں شدید زخمی نہیں ہوئے جو اس واقعے کے بعد مارا گیا۔خفیہ سروس نے بتایا کہ ریلی میں شریک دو دیگر شہری شدید زخمی ہوئے۔