’’وزیر اعلیٰ یوجنا دُت ‘‘کے لیے اُمیدواروں سے درخواستیں مطلوب

ناندیڑ:9؍ستمبر(نامہ نگار) عام شہریوں کو حکومت کی مختلف اسکیموں سے آگاہ کرنے کے لیے وزیر اعلیٰ یوجنا دُت کی شروعات کی گئی ہے۔ اس سرگرمی میں حصہ لینے کے لیے امیدواروں سے درخواستیں طلب کی گئی ہیں۔ دلچسپی رکھنے والے امیدواروں سے درخواست کی جاتی ہے کہ وہ ویب سائٹ www.mahayojanadoot.org پر رجسٹر ہوں۔وزیر اعلیٰ یوجنا دُت کو مہاراشٹر حکومت کے ڈائریکٹوریٹ جنرل آف انفارمیشن اینڈ پبلک ریلیشنز کے ذریعے چلایا جارہا ہے۔ ریاست میں چھ ماہ کے لیے تقریباً 50 ہزار یوجنا دُت (منصوبہ سازوں) کا انتخاب کیا جائے گا، شہری علاقوں میں ہر 5ہزار آبادی کے لیے ایک اور گرام پنچایت کی سطح کے لیے ایک۔ ان یوجنا دُت ( منصوبہ سازوں) کو ماہانہ 10 ہزار روپے ادا کیے جائیں گے۔ یہ منصوبہ ساز شہریوں کو حکومت کی عوامی فلاحی اسکیموں کے بارے میں آگاہ کریں گے۔اس اسکیم میں حصہ لینے کے لیے دلچسپی رکھنے والے امیدواروں کی عمر 18 سے 35 سال کے درمیان ہونی چاہیے، امیدوار کسی بھی شعبے کا گریجویٹ ہونا چاہیے، امیدوار کے پاس مہاراشٹر کا ڈومیسائل سرٹیفکیٹ ہونا چاہیے۔ امیدوار کو کمپیوٹر کا علم ہونا چاہیے۔ اس کے پاس ایک اپ ٹو ڈیٹ موبائل (سمارٹ فون) اور آدھار سے منسلک بینک اکاؤنٹ ہونا ضروری ہے۔وزیر اعلیٰ یوجنا دُت کے لیے آن لائن درخواست فارم، آدھار کارڈ، گریجویشن دستاویزات؍سرٹیفکیٹ وغیرہ کا ثبوت، ڈومیسائل (مجاز اتھارٹی کے ذریعہ جاری کردہ)، آدھار سے منسلک بینک اکاؤنٹ کا ثبوت، پاسپورٹ سائز کی تصویر، امیدوارکا حامی لیٹر (آن لائن درخواست فارم کے ساتھ منسلک فارم میں) تقرری کے وقت جمع کرنا ضروری ہے۔ دلچسپی رکھنے والے امیدوار 13 ستمبر 2024 ء تک ویب سائٹ www.mahayojanadoot.org پر رجسٹر کر سکتے ہیں۔