وزیر آباد پولیس اسٹیشن، سٹی ٹریفک برانچ، ناندیڑ اور ناندیڑواگھالہ میونسپل کارپوریشن کی جانب سے تجاوزات ہٹانے کی مہم

ناندیڑ:7؍مارچ ( نمائندہ اعتبار) ناندیڑ شہر میں سچکھنڈ گوردوارہ کے گیٹ نمبر 1 سے لے کر لنگر صاحب گرردوارہ تک سڑک کے دونوں طرف فٹ پاتھ اور سڑک پر دکانداروں اور چھوٹے دُکانداروں نے اپنا سامان اور عارضی دکانیں لگا رکھی تھیں، جس کی وجہ سے ٹریفک میں خلل پڑ رہا تھا۔ اس کے علاوہ 14 مارچ 2025 ء کو سچکھنڈ گرردوارہ کی جانب سے ہولی کے موقع پر ہلہ بول پروگرام منعقد کیا جائے گا، جس میں ملک و بیرونِ ملک سے زائرین کی آمد متوقع ہے۔اس صورتحال کو دیکھتے ہوئے ضلع پولیس سپرنٹنڈنٹ ابیناش کمار نے وزیر آباد پولیس اسٹیشن، سٹی ٹریفک برانچ اور ناندیڑواگھالہ میونسپل کارپوریشن کو تجاوزات ہٹانے کے لیے مشترکہ مہم چلانے کا حکم دیا تھا۔اس حکم کے تحت7 مارچ 2025 ء کو وزیر آباد پولیس اسٹیشن، سٹی ٹریفک برانچ، ناندیڑواگھالہ میونسپل کارپوریشن کی تجاوزات ہٹانے والی ٹیم، فائر بریگیڈ اور پولیس کنٹرول روم کے افسران نے مل کر سچکھنڈ گرردوارہ گیٹ نمبر 1 سے لے کر لنگر صاحب گرردوارہ تک سڑک کے دونوں جانب کیے گئے تجاوزات کو ہٹا دیا۔ اس مہم میں 80 دکانداروں اور فروشوں کے خلاف کارروائی کرتے ہوئے تقریباً 10 ٹرک سامان ضبط کیا گیا۔پولیس اور میونسپل کارپوریشن انتظامیہ نے سختی سے ہدایت دی ہے کہ آئندہ اس علاقے میں کوئی بھی غیر قانونی تجاوزات نہیں کرے گا، ریڑھیاں نہیں لگائی جائیں گی اور ٹریفک میں کسی قسم کی رکاوٹ پیدا نہیں کی جائے گی۔