نیوگورنمنٹ ڈگری کالج فارویمن گولکنڈہ کا من سن پلی میں این ایس ایس کیمپ کا کامیاب انعقاد

حیدرآباد۔15/اکتوبر(پریس نوٹ) پرنسپل نیوگورنمنٹ کالج برائے اناث گولکنڈہ،حیدرآبادکی پرنسپل پروفیسر ٹی سری لکشمی کے بموجب کالج ہذا کی این ایس ایس پروگرام آفیسر ڈاکٹر حمیرہ سعید کی نگرانی میں کالج کی 45 طالبات نے من سن پلی گاؤں جو کہ مہیشورم منڈل میں واقع ہے این ایس ایس کے سرمائی خصوصی کیمپ کا انعقاد 8اکتوبر سے 14 اکتوبر تک کیا۔ جس کے تحت والینٹرس نے من سن پلی گاؤں میں سوچتا (صفائی)، تعلیمی بیداری، شعوربیدار اور سروے جیسے کام انجام دیئے۔ گاؤں میں شجرکاری پروگرام کیا گیا اس کے علاوہ گھر گھر سماجی سروے کا اہتمام کیا گیا۔ نشہ آوار ادویات، تعلیم نسواں، ٹرافک بیداری، شجرکاری اور صفائی کی بیداری پیدا کرنے کے لئے مختلف ریالیز نکالی گئی۔ پنچایت سکریٹری من سن پلی جاوید صاحب نے بھی اس کیمپ میں بھرپورتعاون دیا۔ طالبات نے بہت ہی جوش اور دلجمعی سے اس کیمپ میں تفویض کردہ سبھی ذمہ داریوں کو احسن طریقے سے نبھایا۔