نیوگورنمنٹ ڈگری کالج برائے اناث، گولکنڈہ میں ریسرچ میتھڈس پر ورکشاپ کا انعقاد

حیدرآباد۔3/فروری (راست)نیو گورنمنٹ ڈگری کالج برای اناث گولکنڈہ میں جگناسا اسٹوڈنٹ اسٹڈیز پروجیکٹ کے زیر اہتمام منگل کو ”ریسرچ میتھڈس“ کے موضوع پر ایک روزہ ورکشاپ کا کامیابی سے انعقاد کیا گیا۔ سٹی کالج کامرس کے ایسوسی ایٹ پروفیسر ڈاکٹر کے ملیکارجن راؤ نے اس تقریب میں بطور مہمان مقرر شرکت کی۔ انہوں نے طلباء میں تحقیق سے دلچسپی پیدا کرنے، مسئلے کی نشاندہی کرنے، ڈیٹا اکٹھا کرنے اور پروجیکٹ رپورٹس تیار کرنے کی تکنیکوں کی وضاحت کی۔ یہ ورکشاپ میں کالج کے پرنسپل پروفیسر کے پروین کمار کی رہنمائی میں منعقد ہوا۔جگنا سا کوآرڈینیٹر اور اکنامکس ڈپارٹمنٹ کے ایسوسی ایٹ پروفیسر ڈاکٹر بالا سرینواس نے اس تقریب کا انعقاد کیا۔ اس موقع پر وائس پرنسپل ڈاکٹر حمیرہ سعید ڈاکٹر بی رجنی، دیگر فیکلٹی ممبران اور طلباء نے بڑی تعداد میں شرکت کی۔ مقررین کا خیال تھا کہ اس طرحکی ورکشاپس سے طلباء کو تحقیق کے میدان میں بہترین کارکردگی دکھانے میں بہت مدد ملے گی۔