نویں جماعت کی منظوری ملنے پر اردو شکشک سنگھٹنا کی جانب سے طلبہ کو کتابیں و رجسٹر تقسیم

پربھنی :24؍جولائی( ضلع نامہ نگار اعتبار نیوز محمد سرور شریف ) ضلع پریشد پرائمری اردو اسکول بھوں گاؤں دیوی تعلقہ جنتور ضلع پربھنی میں نویں کلاس کو منظوری ملنے پر مہاراشٹر راجیہ اردو شکشک سنگھٹنا کی جانب سے نویں کے طلبہ کو کتابیں اور رجسٹر تقسیم کیے گئے۔سنگھٹنا کے صدر ضلع خان یوسف اعجاز اور ریاستی کارگزار صدر محمد یونس انصاری ، سیکریٹری منظر قادری ان کے ہاتھوں طلبہ کو کتابیں اور رجسٹر دیے گئے ۔ اس موقع پر صدر مدرس سعید سر اور محمد بشر الدین قاضی سر،اسکول سمیتی کے انیس بھائی اور جمیل بھائی تمام طلبہ اور اسکول کا ا سٹاف اور والدین و طلبہ موجود تھے ۔ اس پروگرام کو کامیاب بنانے میں تمام اساتذہ نے مل کر محنت کی۔