ننھی روزہ دار ابرش ایزا سعید چاؤش کا پہلا روزہ

ناندیڑ:4؍مارچ (نامہ نگار) رحمت نگر کے ساکن عبدالباری صاحب ( ریٹائرڈ سرکل آفیسر، ریونیو ڈپارٹمنٹ) کی نواسی ابرش ایزا بنت سعید چاؤش، عمر 6 سال، نے ماہِ رمضان المبارک میں اپنا پہلا روزہ رکھ کر اہلِ خانہ کے دل خوشی سے بھر دیئے۔ کم سنی میں عبادت کا شوق اور روزہ رکھنے کا جذبہ قابلِ تحسین ہے۔گھر میں اس موقع پر خوشی اور مسرت کا ماحول دیکھا گیا۔ نانا ، نانی ، دادی ، والدین ، تمام ماموں، چچا، اور دیگر افرادِ خاندان نے ننھی روزہ دار ابرش ایزا کے حق میں صحت، کامیابی اور دین پر استقامت کی دعا کی۔ اللہ تعالیٰ ابرش ایزا کو نیک اور صالحہ بچی بنائے اور اپنی رحمتوں سے مالا مال فرمائے۔ دین و دنیا کی کامیابیوں سے سرفراز فرمائے، انہیں صحت و عافیت کے ساتھ نیک راستے پر قائم رکھے، علم و عمل میں برکت عطا کرے اور ان کے اس معصوم جذبے کو اپنی بارگاہ میں قبول فرمائے۔ آمین۔