نبیلہ نے رکھا اپنا پہلا روزہ

بلڈھانہ: 25؍فروری (نمائندہ) ضلع پریشد اُردو اعلیٰ تحتانی اسکول دیولگاؤں مہی کے درجۂ دوم کی ننھی طالبہ نبیلہ عمران شیخ نے بدھ ۷ رمضان المبارک کو اپنی زندگی کا پہلا روزہ رکھا۔ نںیلہ نے بڑے ذوق و شوق سے سحری کھائی۔ کم سنی کے باوجود انہوں نے خوش دلی اور عزم کے ساتھ بھوک پیاس برداشت کرتے ہوئے روزہ مکمل کیا، جس پر گھر والوں نے بے حد مسرت کا اظہار کیا۔ نبیلہ کے اس قابلِ تحسین اقدام پر ان کے والدین، خاندان کے بزرگوں اور اساتذہ نے انہیں دعاؤں سے نوازا اور ان کے روشن و کامیاب مستقبل کے لیے نیک خواہشات پیش کیں۔ کم عمری میں عبادت کا شوق یقیناً بہترین دینی تربیت کی علامت ہے۔ ادارہ اعتبار نیوز بھی نبیلہ کو مبارکباد پیش کرتا ہے اور ان کے لیے بارگاہِ رب العزت میں دعا گو ہے کہ نبیلہ کو دین و دنیا کی کامیابیوں سے سرفراز فرمائے، انہیں صحت و عافیت کے ساتھ نیک راستے پر قائم رکھے، علم و عمل میں برکت عطا کرے اور ان کے اس معصوم جذبے کو اپنی بارگاہ میں قبول فرمائے۔ آمین۔