ناندیڑ میں غیرقانونی مسافر برداری اور ٹریفک خلاف ورزیوں کے خلاف کارروائی

ناندیڑ:15؍جنوری (نمائندہ اعتبار) پولیس سپرنٹنڈنٹ ابیناش کمار کی ہدایت پر شہر میں بڑھتے ہوئے ٹریفک مسائل کو قابو میں لانے کے لیے غیرقانونی مسافر برداری، بغیر لائسنس یا پرمٹ چلنے والی گاڑیاں، تیز رفتاری سے چلنے والی گاڑیاں، فٹاکا بلیٹ موٹر سائیکلیں، گاڑی چلاتے وقت موبائل فون استعمال کرنے والے افراد، سڑکوں پر لگے غیر مجاز پھلوں کے ہاتھ گاڑے اور دیگر رکاوٹیں پیدا کرنے والوں کے خلاف کارروائی کی مہم چلانے کے احکامات شہر ٹریفک برانچ وزیرآباد کو دیے گئے تھے۔اسی سلسلے میں 14 مارچ 2026 ءکو بھاگوت ناگرگوجے، اسسٹنٹ پولیس انسپکٹر، شہر ٹریفک برانچ وزیرآباد اور ان کے عملے نے ریلوے اسٹیشن روڈ، مہاویر چوک، کلامندر، ورکشاپ، راج کارنر اور چھترپتی چوک میں گاڑیوں کے کاغذات کی جانچ کی۔ اس کے ساتھ ہی آٹو رکشا ڈرائیوروں کو یونیفارم پہننے کے بارے میں ہدایات بھی دی گئیں۔ٹریفک میں رکاوٹ پیدا کرنے والی گاڑیوں، ٹرپل سیٹ سواری کرنے والی گاڑیوں، بغیر لائسنس گاڑیوں، سڑکوں پر لگے غیر مجاز پھلوں کے ہاتھ گاڑوں اور دیگر خلاف ورزیوں کے خلاف کارروائی کرتے ہوئے کل 275 کیس درج کیے گئے اور 3 لاکھ 9 ہزار 350 روپئے جرمانہ عائد کیا گیا۔بڑھتی ہوئی ٹریفک کے پیش نظر عوام سے اپیل کی گئی ہے کہ وہ اپنی فوروہیلر یا ٹووہیلر گاڑیاں کہیں بھی پارک نہ کریں بلکہ مخصوص پارکنگ مقامات پر ہی پارک کریں۔ اسی طرح ٹریفک میں رکاوٹ پیدا کرنے والے پھل گاڑے یا دیگر اشیاء سڑکوں پر رکھ کر تجاوزات نہ کریں، ٹریفک سگنل کی پابندی کریں اور ایسی کوئی حرکت نہ کریں جس سے ٹریفک میں رکاوٹ پیدا ہو۔ بصورت دیگر موٹر وہیکل ایکٹ اور دیگر قوانین کے تحت سخت کارروائی کی جائے گی۔یہ کارروائی پولیس سپرنٹنڈنٹ ناندیڑ ابیناش کمار اور ایڈیشنل پولیس سپرنٹنڈنٹ ناندیڑ سورج گرو کی رہنمائی میں شہر ٹریفک برانچ وزیرآباد کے افسران اور عملے کی جانب سے انجام دی گئی۔