ناندیڑ میں آئے سیلاب متاثرین کو فوری امداد دی جائے

ناندیڑ:31؍جنوری ( شیخ عمران ) گذشتہ کچھ ماہ قبل ناندیڑ میں ہوئی زور بارش کے سبب گوداوری ندی نالے کی سطح آب میں غیر معمولی اضافہ ہوگیا تھا جس کے چلتے ندی نالے کے قریب رہنے والوں کو بہت زیادہ نقصان اٹھانا پڑا ،کئی گھر اس پانی میں ڈوب گئے اور کئی گھروں میں کافی مقدار میں پانی داخل ہوگیا تھا، ابھی تک ناندیڑ انتظامیہ کی جانب سے کوئی مالی امداد فراہم نہیں کی گئی ، اس سلسلے میں مختلف سیاسی جماعتوں اور سماجی کارکنوں کی جانب سے ناندیڑ ضلع کلکٹر کو میمورنڈم بھی دیا گیا ،اس سلسلے میں آج ناندیڑ کے سماجی خدمتگار شیخ محسن کی جانب سے مہاراشٹرکے سابق وزیر اعلی و راجیہ سبھا کے رکن اشوک راؤ چوہان سے اس سلسلے میں ملاقات کی گئی اور ان سے مطالبہ کیا گیا کہ وہ اس مسئلہ پر فوری کام کریں ۔ انہوں نے بھی اس بات کا تیقن دیا کہ وہ اس کو جلد از جلد حل کریں گئے۔