ناندیڑ ضلع میں رام نومی تہوار کے موقع پر پولیس کا معقول بندوبست

ناندیڑ:7؍اپریل ( نمائندہ اعتبار) شری رام نومی کے موقع پر 6 اپریل 2025 ء کو اتوارہ حدود سے شہر کے مرکزی راستوں سے نکالے گئے جلوس سمیت ناندیڑ ضلع کے 28 پولیس اسٹیشن حدود میں کل 42 شوبھا یاترا، 6 موٹر سائیکل ریلیاں، دیگر کیرتن، رام کتھا، مہاپرساد کی تقسیم، خون عطیہ کیمپ جیسے مختلف مذہبی و سماجی پروگرام کسی بھی قسم کی امن و قانون کی گڑبڑی کے بغیر اختتام پذیر ہوئے۔ ان جلوسوں اور تقریبات کو پُرامن اور ہم آہنگی والے ماحول میں مکمل کرنے کے لیے ابتدا سے ہی مکمل تیاری اور منصوبہ بندی کے ساتھ مؤثر بندوبست کیا گیا تھا۔ پولیس ڈپٹی انسپکٹر جنرل ناندیڑ ریجن اور پولیس ڈائریکٹر جنرل، ممبئی کے دفاتر سے موصولہ ہدایات و بندوبست کی بنیاد پر ناندیڑ پولیس کی جانب سے پورے ضلع میں 1 پولیس سپرنٹنڈنٹ، 2 ایڈیشنل پولیس سپرنٹنڈنٹ، 5 سب ڈویژنل پولیس آفیسر، 1 ٹرینی ڈی ایس پی، 31 پولیس انسپکٹر، 124 سب آرڈینیٹ پولیس آفیسر، 1,055 پولیس کانسٹیبل، 162 خواتین پولیس افسران، 5 آر سی پی پلاٹون، 891 مرد ہوم گارڈ، 221 خواتین ہوم گارڈ اور 2 ایس آر پی ایف کمپنیاں تعینات کی گئی تھیں۔ اس کے علاوہ تہوار کے دوران بغیر سائلنسر والی 10 موٹر سائیکلوں پر کارروائی کی گئی، 8 سوشل میڈیا پوسٹس پر سائبر مانیٹرنگ سیل کے ذریعہ کارروائی کی گئی اور ایک معاملے میں آرمز ایکٹ کے تحت کارروائی کی گئی۔ ان فوری اقدامات کے نتیجے میں شری رام نومی کے پورے عرصے میں کوئی بھی ناگوار واقعہ پیش نہیں آیا اور تمام جلوس و پروگرام پُرامن فضا میں مکمل ہوئے۔