ناندیڑ تحصیل دفتر میں قدرتی آفات ہیلپ لائن شروع

ناندیڑ: 20 ؍اگست(نمائندہ اعتبار): قدرتی آفات کے دوران شہریوں کو فوری امداد اور رہنمائی فراہم کرنے کے لیے تحصیل دفتر، ناندیڑ میں ایک خصوصی آفت ہیلپ لائن سینٹر شروع کیا گیا ہے۔اس ہیلپ لائن کے ذریعے متاثرین کو ضروری معلومات، امداد اور مشورہ ایک ہی جگہ پر ملے گا۔ آفت کی وجہ سے ہونے والے جانی نقصان، املاک کے نقصان اور فوری ضروریات کے بارے میں فوری طور پر نوٹس لے کر کارروائی کرنے کے لیے یہ اقدام اٹھایا گیا ہے۔ شہریوں سے اپیل کی جاتی ہے کہ کسی بھی مشکل، شکایت یا امداد کی ضرورت کے لیے ہیلپ لائن نمبروں 02462-236769 اور 7262898815 پر رابطہ کریں۔تحصیلدارسنجے وارکڑ نے بتایا کہ ’’آفت اچانک آتی ہے، لیکن اگر انتظامیہ مستعدہو تو نقصان کو کم کیا جا سکتا ہے۔ اس ہیلپ لائن کے ذریعے ہر شہری تک حکومتی امداد پہنچانے کی ہماری کوشش ہے۔‘‘