ناندیڑ:محفل نعت کا روح پرور انعقاد

ناندیڑ:29؍جون ( راست) تنظیم بزم قادریہ کی جانب سے 27 جون بروز جمعہ بعد نماز عشاء حضرت یتیم شاہ ولی رحمۃ اللہ علیہ کے عرس پاک کے موقع پر ایک عظیم الشان محفل نعت پاک کا انعقاد عمل میں آیا۔ مداح رسول بلبل باغ تاج الاولیاء عالیجناب سلطان رضا صاحب ناگپور نے اپنی پیاری آواز میں نعت و منقبت کے حسین گلدستے پیش فرمایا ، جس سے سامعین بہت محظوظ ہوئے ۔ سرپرست جلسہ ڈاکٹر سید ضیاء الحسن صاحب قبلہ( سجادہ نشین درگاہ یتیم شاہ ولی) و مولانا مراد صاحب قندھار حافظ امان الرب صاحب ،حافظ عبدالقادر صاحب ،حافظ یونس صاحب و دیگر علمائے کرام وائمہ عظام بھی کثیر تعداد میں موجود تھے ۔اخیر میں صلاۃ وسلام و نیاز پاک و مفتی عبدالعظیم صاحب رضوی کی دعا کے ساتھ پروگرام کا اختتام عمل میں آیا ۔ سیکڑوں کی تعداد میں سامعین نے اس پروگرام میں شرکت کی اور اس کو کامیاب بنایا۔