ناندیڑ:تعلیم یافتہ بے روزگار امیدواروں کے لیے 9 اور 10 جولائی کو روزگار میلے کا انعقاد

ناندیڑ:5؍جولائی ( نمائندہ اعتبار) ضلع کے پڑھے لکھے بے روزگار امیدواروں کو روزگار کے مواقع فراہم کرنے کے لیے منگل اور بدھ یعنی 9 اور 10 جولائی 2024 ء کو ڈسٹرکٹ اسکل ڈیولپمنٹ، ایمپلائمنٹ اینڈ انٹرپرینیورشپ گائیڈنس سینٹر ناندیڑ اور دیہی کے اشتراک سے ایک روزگار میلے کا انعقاد گرامین ٹیکنیکل اینڈ مینجمنٹ کیمپس وشنوپوری ناندیڑ میں کیا جائے گا۔اس روزگار میلے میں معروف کمپنیوں کی جانب سے انٹرویوز لیے جائیں گے۔ ضلع کے بے روزگار امیدوار 9 اور 10 جولائی کو صبح 10 بجے سے سہ پہر 3 بجے تک کاغذات جیسے کہ ریزیوم ، تعلیمی سرٹیفکیٹ، زیراکس پاسپورٹ سائز فوٹو وغیرہ ساتھ لائیں۔ اس موقع سے فائدہ اٹھانے کی اپیل اسکل ڈیولپمنٹ، ایمپلائمنٹ اینڈ انٹرپرینیورشپ سنٹر کی اسسٹنٹ کمشنر رینوکا تملوار نے کی ہے۔