موید المسلمین ہائی اسکول کی تعلیمی سیر نصاب سے ہٹ کر سیکھنے کا عملی انداز

پربھنی :23؍دسمبر(ضلع نامہ نگار اعتبار نیوز محمد سرور شریف ) دی میمین مرچنٹس ایسوسی ایشن پر بھی کے زیر انصرام چلنے والے موید المسلمین ہائی اسکول عثمانیہ کالونی کی جانب سے جماعت پنجم تا ہشتم کے طلبہ کے لیے ہرڈا پارٹی گارڈن پاتھری روڈ پربھنی 16 دسمبر کوایک روزہ تعلیمی سیرکا انعقاد کیا گیا۔ اس تعلیم سیر کے دوران طلبہ نے نباتات کی نرسری کا مشاہدہ کیا ۔ جہاں پودوں کی افزائش اور دیکھ بھال کے مراحل کو قریب سے سمجھا ساتھ ہی طلبہ نے وہاں موجود مختلف کھیلوں کے آلات سے بھر پور لطف اندوز ہوئے ، گھوڑ سواری ،جادو کا شو ، کٹھ پتلی کا کھیل تجسس سے دیکھا ۔اس تعلیمی سیر کو صدر مدرس سید اقبال سر کی رہنمائیحاصل رہی ساتھ اس تعلیمی سیر کو انچارج شیخ علیم سر آصف خان سر کی محنت اور اساتذہ کے تعاون نے کامیاب بنایا۔یہ تعلیمی سیر نہ صرف طلبہ کے لیے یادگار ثابت ہوئی۔ بلکہ ان کی ذہنی و تعلیمی نشو و نما میں بھی اہم کردار ادا کیا۔