مندر مسجد تنازعہ پر تشویش کا اظہار کرنے والا موہن بھاگوت کا بیان بالکل درست: ستیندر داس ویدانتی

ایودھیا: 20 دسمبر:راشٹریہ سویم سیوک سنگھ کے سربراہ موہن بھاگوت کے ملک کے مختلف حصوں میں مندر مسجد تنازعات پر تشویش کا اظہار کرتے ہوئے کئی مختلف جماعتوں کے بیانات سامنے آئے ہیں۔ ساتھ ہی اس بیان پر ایودھیا سے ستیندر داس ویدانتی کا بیان بھی سامنے آیا ہے کہ آپ کو بتا دیں کہ راشٹریہ سویم سیوک سنگھ کے سربراہ موہن بھاگوت نے کہا تھا کہ کچھ لوگوں کو لگتا ہے کہ وہ اس طرح کے مسائل اٹھا کر ہندوؤں کے لیڈر بن جائیں گے۔ جو قبول نہیں کیا جائے گا۔ اس بارے میں بات کرتے ہوئے ستیندر داس ویدانتی مہاراج نے کہا، ’’سنگھ کے سربراہ موہن بھاگوت نے جو کہا ہے وہ بالکل درست ہے۔ بہت سے لوگ نئے ایشوز ایوان میں لا رہے ہیں۔ راشٹریہ سویم سیوک سنگھ، وشو ہندو پریشد اور بھارتیہ جنتا پارٹی کے ذریعہ کئے گئے کام آج دیکھے جا سکتے ہیں۔ لیکن ایسے بہت سے مینڈک اچھل رہے ہیں، جو ہندوتوا کے حامی ظاہر کر رہے ہیں اور ایسے نئے مسائل لا رہے ہیں جن سے کسی کا کوئی لینا دینا نہیں ہے۔ انہوں نے مزید کہا کہ جس طرح سے سناتن، ہندوتوا پر حملہ کیا گیا اور اتر پردیش میں سنبھل واقعہ پر بھارتیہ جنتا پارٹی کی حکومت نے جو کارروائی کی ہے اسے مستقبل میں یاد رکھا جائے گا۔ یہ بھولنے کے قابل نہیں ہے۔ جس طرح آگرہ اور ایودھیا میں شیو مندروں پر مقبرے بنائے گئے ہیں۔ ہمارے مندروں پر قبضہ کر لیا گیا ہے، جس کے خلاف آواز اٹھانے کی ضرورت ہے۔” ستیندر داس ویدانتی نے مزید کہا، ”ان کے خلاف کارروائی ہونی چاہیے تاکہ آنے والی نسلیں بھی اس کے بارے میں جان سکیں۔”آپ کو بتا دیں کہ پونے میں ایک پروگرام کے دوران سنگھ کے سربراہ موہن بھاگوت نے مندر-مسجد کو لے کر شروع ہونے والے نئے تنازعات پر ناراضگی ظاہر کرتے ہوئے کہا تھا کہ ایودھیا میں رام مندر کی تعمیر کے بعد کچھ لوگوں کو لگتا ہے کہ وہ ہندوئوں کے لیڈر بن جائیں گے۔