ملکاپور یوسف خان عثمان خان کو لوک مت بلڈھانہ ڈسٹرکٹ گورو ایوارڈ سے نوازا گیا

ملکاپور: 26/ اگست ( محمد احسان سر ) 25 اگست 2025 کو اکولہ شہر میں منعقدہ ایک شاندار و پررونق تقریب میں ملکاپور کانگریس پارٹی کے لیڈر مشہور و معروف شخصیت یوسف خان عثمان خان سابق کونسلر کو روز نامہ لوک مت گروپ کی جانب سے "بلڈھانہ گورو ایوارڈ” سے نوازا گیا. انھیں یہ ایوارڈ مراٹھی فلموں کی مشہور ادکارہ روتو جا باگوے اور رکن اسمبلی آمدار امیت جھنک کے ہاتھوں سے سرفراز کیا گیا. لوک مت گروپ نے یہ ایوارڈ یوسف خان عثمان خان کو انکی سماجی خدمات و کام ، تعلقات عامہ اور سماجی وابستگی کے شعبوں میں نمایاں کارکردگی کے اعتراف میں دیا ہے۔ اس موقع پر شہر ملکاپور و اطراف کے معززین اور معاشرے کی سرکردہ شخصیات وہاں موجود تھے. جس میں عطاء الرحمان جمعدار، ہدایت اللہ خان جمعدار، رئیس خان جمعدار، رحیم اشرف خان، ذاکر میمن، واجد قادری، اعجاز شاہ ، حاجی ایوب ، جمیل پترکار، پترکار ہنومان جگتاپ، اصغر خان جمعدار، اقبال خان ، فیروز خان ، صادق شیخ، شیر خان، سید قدیر، مظہر بھائی، حسن بھائی، وسیم بھائی، زبیر تنور، سید فرحان اور مجو بھائی و دیگر موجود تھے. اس پرجوش و رنگا رنگ پروگرام میں موجود معززین نے یوسف خان کے کام و خدمات کی تعریف کی اور انھیں مستقبل کے لیے نیک خواہشات پیش کی اور انھیں یہ عزت و وقار و تکریم ملنے پر مبارکباد پیش کی. ایوارڈ ملنے پر ان کی تعریف کی جارہی ہےکہ انھوں نے نہ صرف ملکاپور بلکہ بلڈھانہ ضلع و کانگریس پارٹی کا نام روشن کیا گیا. یوسف خان نے بھی ایوارڈ ملنے پر لوک مت گروپ و احباب و دیگر ساتھیوں کا تہہ دل سے شکریہ ادا کیا.