ملکاپور مسلم ویلفیئر ایسوسی ایشن نے نئی عیدگاہ اور دیگر مقامات پر کی شجرکاری

ملکاپور:12/اگست ( محمد احسان ) پودے لگانے کا کام قابل ستائش ہے، درخت صفائی کو فروغ دیتے ہیں اور ماحول کو صاف کرتے ہیں اور آلودگی کو پاک کرتے ہیں۔ موصولہ اطلاعات کے مطابق اس مقصد سے 10 اگست 2025 کو ملکاپور مسلم ویلفیئر ایسوسی ایشن کی جانب سے مہاراشٹر کے بلڈھانہ ضلع کے ملکاپور شہر میں نئی عیدگاہ کے احاطے میں ،قبرستان اور دیگر مقامات پر تقریباً 30 درخت لگائے گئے۔ اس موقع پر عمران شیخ نوجوان تعلقہ صدر مسلم ویلفیئر ایسوسی ایشن، علیم شیخ، فیصل شیخ، افروز خان، تنویر شیخ، فرقان شیخ، اقبال خان اور دیگر نے شجر کاری کے کام میں خصوصی طور پر شرکت کی۔ شجرکاری کے اس قابل ستائش و خوبصورت اقدام پر محمد حارث صدیق بھاؤ، فیروز پٹیل، جنید شہزادے اکبر اور دیگر نے عمران شیخ اور مسلم ویلفیئر ایسوسی ایشن ملکاپور کی سراہنا کی۔