مفت میں آدھار کارڈاپڈیٹ کرنے کی تاریخ میں مزید توسیع

بھارتیوں کے لیے خوشخبری ہے۔ سرکار نے فری میں آدھار کارڈ کی تفصیلات کو اپڈیٹ کرنے کی آخری تاریخ میں مزید توسیع کردی ہے۔ پہلے یہ تاریخ 14 ستمبر تھی لیکن یونک آئیڈنٹیفکیشن اتھارٹی آف انڈیا UIDAI-نے فری آدھار اپڈیٹ کی آخری تاریخ میں مزید تین مہینے کے لیے توسیع کردی ہے۔ اب آپ 14 دسمبر 2023ء تک اپنی آدھار تفصیلات کو مفت میں اپڈیٹ کر سکیں گے۔
UIDAI کے ذریعے جاری کیے گئے ایک آفس میمورنڈم کے مطابق ’’ زیادہ سے زیادہ لوگوں کو آدھار میں اپنی تفصیلات کو اپڈیٹ کرنے کے لیے 14ستمبر 2023تک myAadhaar پورٹل کے توسط سے آدھار میں اپنی تفصیلات کو مفت میں اپڈیٹ کرنے کا فیصلہ کیا گیا تھا۔ لوگوں کےمثبت رد عمل کی بنیاد پر اس سہولت کو مزید تین مہینے یعنی 15 ستمبر 2023ء سے 14 دسمبر 2023تک بڑھانے کا فیصلہ کیا گیا ہے۔ یعنی آدھار اپڈیٹ کی سہولت myAadhaar پورٹل کے توسط سے14دسمبر 2023 تک مفت جاری رہے گی۔
دراصل،UIDAI دس سال پرانے آدھار ہولڈروں سے بھی درخواست کر رہا ہے کہ وہ نئی معلومات کے ساتھ تفصیلات کو اپ ڈیٹ کریں۔ UIDAI کی ویب سائٹ کے مطابق، ڈیموگرافک معلومات کی درستگی کو برقرار رکھنے کے لیے آدھار کو اپ ڈیٹ کریں۔ اسے اپ ڈیٹ کرنے کے لیے، اپنا شناختی ثبوت اور ایڈریس پروف دستاویزات اپ لوڈ کریں۔”
مفت اپ ڈیٹ https://myaadhaar.uidai.gov.in پر آن لائن کیا جا سکتا ہے اور CSC پر فزیکل اپ ڈیٹ کے لیے معمول کے مطابق کچھ فیس وصول کی جائے گی۔
ایڈریس پروف مفت میں کیسے اپ لوڈ کریں۔
مرحلہ 1: پہلے https://myaadhaar.uidai.gov.in/ پر جائیں۔
مرحلہ 2: اب لاگ ان کریں اور ‘اپ ڈیٹ نام/جنس/تاریخ پیدائش اور پتہ کو منتخب کریں۔
مرحلہ 3: آدھار آن لائن اپ ڈیٹ کریں پر کلک کریں۔
مرحلہ 4: ڈیموگرافک آپشن کی فہرست سے ‘ایڈریس منتخب کریں اور ‘آدھار کو اپ ڈیٹ کرنے کے لیے آگے بڑھیں‘ پر کلک کریں۔
مرحلہ 5: اسکین شدہ کاپی اپ لوڈ کریں اور مطلوبہ ڈیموگرافک معلومات درج کریں۔
مرحلہ 6: درکار روپے ادا کریں۔ (14 دسمبر تک ضروری نہیں)۔
مرحلہ 7: ایک سروس درخواست نمبر SRNجنریٹ ہوگا۔ بعد میں اسٹیٹس کو ٹریک کرنے کے لیے اسے سنبھال کر رکھیں۔ انٹرنل کوالیٹی چیک پورا ہونے پر آپ کو ایک SMS موصول ہوگا۔
اپنے آدھار انرولمنٹ یا اپڈیٹ اسٹیٹس، پی وی سی کارڈ اسٹیٹس کے بارے میں تفصیلات یا ایس ایم ایس کے ذریعے سے معلومات حاصل کرنے کے لیے ریسیڈنٹ UIDAI ٹول فری نمبر 7491 پر 24 گھنٹے کال کر سکتے ہیں۔