معصوم شیخ یحییٰ کا پہلا روزہ

ناندیڑ: 3؍مارچ (راست) شیخ یحییٰ عبدالجبار نے رمضان المبارک کا اپنا پہلا روزہ رکھا۔ اس موقع پر گھر میں خوشی کا ماحول دیکھا گیا۔ دادا عبدالرزاق، نانا شیخ وزیر، ماموں محمد سراج اور چچا عبدالعزیز نے ننھے روزہ دار کی حوصلہ افزائی کرتے ہوئے دعاؤں سے نوازا اور نیک تمناؤں کا اظہار کیا۔اللہ تعالیٰ سے دعا ہے کہ شیخ یحییٰ کو دین و دنیا کی کامیابیوں سے سرفراز فرمائے، انہیں صحت و عافیت کے ساتھ نیک راستے پر قائم رکھے، علم و عمل میں برکت عطا کرے اور ان کے اس معصوم جذبے کو اپنی بارگاہ میں قبول فرمائے۔ آمین۔