معصوم روزہ داروں کا پہلا روزہ

پربھنی: مورخہ 13 مارچ( ضلع نامہ نگار اعتبار نیوز محمد سرور شریف ) روزہ صبر، شکر اور تقویٰ کی بہترین مثال ہے، اور جب کوئی معصوم بچہ پہلا روزہ رکھتا ہے تو یہ ایک خاص لمحہ بن جاتا ہے۔ سدرۃ المنتہیٰ محمد الطاف الرحمٰن (12 سال)، زینب فاطمہ محمد الطاف الرحمٰن (10 سال)، اور زنیرا فاطمہ خواجہ توصیف (10 سال) نے اپنے پہلے روزے کی سعادت حاصل کی۔یہ معصوم روزہ دار پورے جوش و خروش اور خوشی کے ساتھ روزہ رکھتے رہے اور اللہ تعالیٰ سے دعا کی کہ وہ انہیں دین پر استقامت عطا فرمائے۔ ان کے والدین اور رشتہ داروں نے ان کے حوصلے اور عبادت کے جذبے کی خوب پذیرائی کی اور انہیں مبارکباد پیش کی۔ ادارہ اعتبار نیوز بھی ان معصوم روزہ داروں کو مبارکباد پیش کرتے ہوئےان کی دنیا وآخرت کی تمام کامیابیوں کے لیے دعا گو ہے،اللہ تعالیٰ ان ننھے روزہ داروں کے جذبے کو قبول فرمائے، ان کے ایمان کو مزید مضبوط کرے، اور انہیں دین کی روشنی میں زندگی گزارنے کی توفیق عطا فرمائے۔ آمین۔