مسابقات سیرت النبی ﷺ کے تحت اردھاپور کی سطح پر مختلف سرگرمیاں منعقد

اردھاپور (شیخ زبیر ) ان سرگرمیوں میں نمایاں پروگرام حسبِ ذیل رہے:
آف لائن کوئز: Ardhapur کے تمام اردو پرائمری اور ہائی اسکول کے طلبہ و طالبات کے لیے منعقد کیا گیا، جس میں تقریباً 550 طلبہ و طالبات نے بھرپور حصہ لیا۔
ڈرائنگ مقابلہ: پری پرائمری طلبہ و طالبات کے لیے ڈرائنگ کا خصوصی مقابلہ ہوا، جس میں تقریباً 160بچوں نے شرکت کی۔
نعت گوئی، واقعہ بیانی اور زبانی کوئز: ان مقابلوں میں مجموعی طور پر 60 طلبہ اور عالمیت مدرسہ کی15 طالبات نے حصہ لیا۔
یہ تمام پروگرام رفقائے جماعت کی منظم محنت اور بہترین انتظامات کے نتیجے میں بحمد اللہ کامیابی کے ساتھ مکمل ہوئے۔
مزید برآں، 28 ستمبر کو منعقد ہونے والے جلسۂ انعامات، پبلک کانفرنس اور سیرت نمائش* کی اطلاع بھی تمام شریک طلبہ و طالبات تک پہنچائی گئی۔
اللہ تعالیٰ اس سعیِ جمیلہ کو اپنی بارگاہ میں شرفِ قبولیت عطا فرمائے۔ آمین