مدینۃ العلوم میں قومی سطح کے ڈرائنگ مقابلے کا انعقاد

ناندیڑ:10؍اکتوبر ( راست) مدینۃ العلوم ہائی اسکول، ناندیڑ میں نونیت کمپنی کے زیر اہتمام 13 ستمبر 2024 کو "یووا ماسٹر اسٹروک آل انڈیا ڈرائنگ مقابلہ 2024منعقد ہوا۔ اس مقابلے میں پنجم تا دہم جماعت کے طلبہ و طالبات نے بڑے جوش و خروش کے ساتھ حصہ لیا، جس میں کل 80 طلبہ نے اپنی تخلیقی صلاحیتوں کا اظہار کیا۔ یہ ایک قومی سطح کا مقابلہ تھا، جس میں بچوں کی فنکارانہ صلاحیتوں کو بھرپور مواقع فراہم کیے گئے۔مقابلے میں بہترین کارکردگی دکھانے والے 5 طلبہ کو نونیت کمپنی کی جانب سے خصوصی انعامات دیے گئے۔ انعام یافتگان طلبہ کے نام درج ذیل ہیں:
شیخ نعمان شیخ مولا (8th J)
حبیب بلال ہاشمی حبیب عمران ہاشمی (8th J)
سارہ خان امجد خان (9th D)
سیدہ رمشاء ہاشمی سید رحمت ہاشمی (5th D)
انس عادل شفیق احمد (5th A)
یہ انعامات مدینۃ العلوم کی صدر معلمہ محترمہ متین اطہر فاطمہ صاحبہ نے اپنے دست مبارک سے تقسیم کیے۔ اس موقع پر مدرسے کی شفٹ اول کی ثقافتی کمیٹی کی سربراہ، سینئر ٹیچر محترمہ سیدہ تنویر کوثر اور شفٹ دوم کی انچارج محترمہ صدیقی ممتاز شاہین بھی موجود تھیں، جنہوں نے بچوں کی محنت اور تخلیقی صلاحیتوں کو خوب سراہا۔اس کے علاوہ، طلبہ کو مقابلے میں شامل کرنے اور ان کی حوصلہ افزائی کرنے پر ڈرائنگ ٹیچر جناب شیخ زاہد اسلم کو بھی نونیت کمپنی کی طرف سے خصوصی اعزاز سے نوازا گیا۔ یہ تقریب بچوں میں آرٹ کے تئیں دلچسپی کو بڑھانے اور ان کی تخلیقی صلاحیتوں کو نکھارنے کا ایک اہم موقع ثابت ہوئی۔