مدرسہ فاطمہ زہرا ؓ میں جشن غریب نواز ؒکا انعقاد

ناندیڑ:29؍دسمبر(راست) بتاریخ 27/ دسمبر مطابق 6/ رجب المرجب بروز ہفتہ مدرسۃ البنات فاطمہ زہرا ؓسائی نگر ناندیڑ میں حضرت خواجہ غریب نواز معین الدین چشتی اجمیری علیہ الرحمۃ والرضوان کے عرس پاک کے ضمن میں خواتین اسلام کا ایک اجتماع منعقد ہوا جس میں مدرسے کی طالبات و معلمات نے حمد نعت و بیان و مکالمے پیش فرمائے محترمہ عالمہ فاضلہ آمنہ باجی (پونا) نے بھی اس موقع پر جامع خطاب پیش فرمایا ۔مدرسے کی معلمات بالخصوص محترمہ عالمہ فاضلہ صبا ارم رضویہ ، محترمہ عالمہ فاضلہ صفورہ ناز رضویہ ، محترمہ عالمہ صبا فاطمہ رضویہ ، محترمہ عالمہ غوثیہ فاطمہ رضویہ ، محترمہ عالمہ کوثر باجی نے بھی سیرت حضور غریب نواز ؒسے خواتین اسلام کو واقف فرمایا ۔ اخیر میں صلاۃ وسلام و فاتحہ ودعاء و نیاز کے ساتھ پروگرام اختتام پذیر ہوا۔اس طرح کا پریس نوٹ مفتی عبدالعظیم رضوی امجدی نے جاری کیا۔