مجلس احرار اسلام ہند ضلع ناندیڑ کے زیرِ اہتمام سماجی برائیوں کو ختم کرنے سماج سدھار مہم جاری

ناندیڑ:10؍نومبر(راست) 9 نومبر 2025 بروز اتور3شیرِ پنجاب شاہی امام حضرت مولانا محمد عثمان صاحب لدھیانوی دامت برکاتہم کی ہدایت پر مجلس احرار اسلام ہند ضلع ناندیڑ کے زیرِ اہتمام ’’سماجی برائیوں کو ختم کرنے سماج سدھار مہم‘‘ نیا مجاہد پیٹ میں جاری رہی جس میں مولانا عبدالوحید صاحب اشاعتی جنرل سیکریٹری مجلس احرار اسلام ہند ضلع ناندیڑ نے خصوصی خطاب فرمایا ۔اس کارنر میٹنگ کے ذریعہ نشہ،ناجائزتعلقات، خودکشی،لڑائی وقتل سے ہونے والے نقصانات سے قرآن وحدیث کی روشنی میں آگاہ کیا گیا نیز نوجوانوں کو اپنی جوانی اسلام کی تعلیمات کو عام کرنے اسلام کو سربلند کرنے کی تقلین بھی کی گئی ۔اس کارنر میٹنگ میں علاقہ کے ذمہ داران ونوجوان کثیر تعداد میں شریک رہے۔اس کارنر میٹنگ کو کامیاب بنانے میں جناب رفیع احمد صاحب رکن گرام پنچایت دھنے گاؤں،مولانا محمد رضوان صاحب حسامی،جنید احمد صاحب ودیگر نے اہم رول ادا کیا۔