مالاکولی موضع میں  رکن اسمبلی پرتاپ پاٹل چکھلیکر کی سالگرہ کے موقع پر کیرتن پروگرام

مالاکولی:4 ؍اگست(نامہ نگار) مالاکولی موضع میں عوامی جوش و خروش سے بھرپور کیرتن پروگرام کا انعقاد کیا گیا، جس کا اہتمام رکن اسمبلی پرتاپ پاٹل چکھلی کر کے کٹر حامی نانا صاحب تڑکے کی جانب سے کیا گیا۔ یہ پروگرام رکن اسمبلی پرتاپ پاٹل چکھلیکر کی سالگرہ کے موقع پر منعقد ہوا۔جس میں پروشتم مہاراج بلڈھانیکر کے علاوہ دیگر شخصیات نے شرکت کی۔ کیرتن پروگرام میں عوام کی کثیر تعداد کے ساتھ ساتھ پارٹی کے متعدد کارکنان، مقامی رہنما بھی موجود تھے۔ اس موقع پر پارٹی کے سرگرم کارکن نے اپنے خیالات کا اظہار کرتے ہوئے کہا کہ گزشتہ 25؍ سالوں سے رکن اسمبلی پرتاپ پاٹل چکھل کر کی سالگرہ کے موقع پر اس طرح کا پروگرام منعقد کیا جاتا ہے۔ تقریب کے دوران رکن اسمبلی پرتاپ پاٹل چکھلی کر کو ان کی سالگرہ پر مبارکباد پیش کی گئی اور ان کی سماجی و سیاسی خدمات کو خراج تحسین پیش کیا گیا۔اس پروگرام کے کامیاب انعقاد میںپارٹی کارکنان اور مقامی رہنماؤں نے اہم کردار ادا کیا۔ ان کی کوششوں سے پروگرام کو منظم اور پرامن طریقے سے منعقد کیا گیا۔