مؤ یدالمسلمین ہائی اسکول پر بھنی میں 78 واں جشن آزادی بڑے جو ش و خروش اور حب الوطنی کے جذبے کے ساتھ منایا گیا

پربھنی:16؍اگست ( بذریعہ نامہ نگار محمد سرور شریف ) 15 اگست 2024 بروز جمعرات کو مؤ یدالمسلمین ہائی اسکول عثمانیہ کالونی پربھنی میں 78 واں یوم آزادی بڑے جوش وخروش کے ساتھ منایا گیا ۔ تقریب کا آغاز پرچم کشائی کی تقریب سے ہوا ۔ مدرسے ہذا کے صدر مدرس محمد یوسف نے ترنگا لہرا یا اور راشٹرگیت سید ساجد نے گنگنایا ۔ پرچم کشائی کے بعد مختلف ہم نصابی سرگرمیاں منعقد ہوئیں جن میں طلباء نے اپنی صلاحیتوں اور حب الوطنی کا مظاہرہ کیا ۔ اس پروگرام میں مختلف جماعتوں کے طلبہ نے جوش و خروش کے ساتھ تقاریر کیں۔ جنہوں نے آزادی کی اہمیت اور ہمارے مجاہدین آزادی کی قربانیوں پر روشنی ڈالی۔ تقریب میں حب الوطنی کے گیت بھی پیش کیے گئے جنہوں نے فضا کو فخر اور وطن سے محبت کے جذبات سے بھر دیا ۔ طلباء نے روایتی رقص اور خاکے پیش کیے جو بھارت کے متنوع ثقافت اور اتحاد کی عکاسی کرتے تھے ۔ یہ تقریب آزادی کے جذبے کی حقیقی عکاسی تھی جس نے ہر فرد میں قومی فخر کا جذبہ پیدا کیا ۔ پروگرام کا اختتام صدر مدرس کی تقریر سے ہوا جس میں انہوں نے طلبہ کو ذمہ دار شہری بننے اور قوم کی ترقی میں مثبت کردار ادا کرنے کی تلقین کی۔اس طرح کی معلومات شعبہ نشر واشاعت کے انچارچ محمد یوسف انصاری سر نے دی۔