مؤید المسلمین ہائی اسکول میں اسپورٹس ویک کامیابی سے اختتام پذیر

پربھنی: 23؍جنوری(ضلع نامہ نگار اعتبار نیوز محمد سرور شریف)دی میمن مرچنٹس اسوسی ایشن، پربھنی کے زیرِ انتظام چلنے والے ادارے مؤید المسلمین ہائی اسکول میں منعقدہ اسپورٹس ویک کامیابی کے ساتھ اختتام پذیر ہوا۔ اسپورٹس ویک کا افتتاح اسوسی ایشن کے اعزازی رکن جناب خمیسہ محمد جنید صاحب کے ہاتھوں مشعل روشن کر کے کیا گیا، جبکہ صدر مدرس سید اقبال صاحب نے مہمانِ خصوصی کا پرتپاک استقبال کیا۔تقریب کی نظامت عظمت خان سر نے انجام دی، جبکہ محترمہ نجمہ میم اور تمام اساتذہ نے باہمی تعاون سے پروگرام کی تیاری کی۔ اس موقع پر جناب خمیسہ محمد جنید صاحب نے خطاب کرتے ہوئے کھیلوں کی جسمانی، تعلیمی اور اخلاقی اہمیت پر روشنی ڈالی۔اسپورٹس ویک کے دوران پہلی سے نویں جماعت تک کے طلبہ کے لیے رِنگ ڈائریکشن، سرکل اسٹک، تھرو بال، والی بال، پینلٹی شوٹ اور ٹگ آف وار جیسے مختلف کھیل منعقد کیے گئے، جن میں طلبہ نے جوش و خروش کے ساتھ شرکت کی۔اس طرح کی معلومات معلم یوسف انصاری نے دی۔