مؤید المسلمین پرائمری اسکول میں شاندار کینٹین ڈے کا انعقاد

پربھنی:28؍فروری ( ضلع نامہ نگار اعتبار نیوز محمد سرور شریف ) مؤید المسلمین پرائمری اسکول میں چہارم تا ہفتم دو روزہ 27 اور 28 فروری کینٹین ڈے کا شاندار انعقاد عمل میں آیا۔ اس تجارتی بازار کا افتتاح دی میمن مرچنٹس اسوسی ایشن کے سیکریٹری خمیسہ غلام محمد مٹھو کے ہاتھوں عمل میں آیا ۔ اس موقع پر مؤید المسلمین پرائمری اسکول کے صدر مدرس محمد عبدالباسط، سپروائزر جلیل احمد موجود تھے شفٹ اول پنجم تا ہفتم جماعت کینٹین ڈے کا افتتاح مؤید المسلمین پرائمری کے اسکول کے سابق مدرس نور محمد خان کے ہاتھوں عمل میں آیا ۔ اس موقع پر مدرسہ ہذا کے صدر مدرس محمد عبدالباسط اور سپروائزر فاروق احمد ،خالد انصاری ، غلام حسین ، عبیداللہ معلمین موجود تھے ۔ طلبہ میں تجارتی نقطہ نظر کو فروغ دینے اور محنت سے حلال کمائی کمانے کی غرض سے منعقدہ تجارتی بازار میں طلباء نے بڑے جوش و خروش سے اپنی دکانیں لگائی عملی طور پر تجارت کا تجربہ اور بھرپور منافع حاصل ہونے سے طلبہ کے چہرے خوشی سے دمک اٹھے۔