مؤیدالمسلمین ہائی اسکول کی انڈر 17 – لڑکیوں کی شوٹنگ بال چیمپئن شپ میں شاندار فتح

پربھنی:22؍اکتوبر(بذریعہ ضلع نامہ نگار اعتبار نیوز محمد سرور شریف پربھنی) 22 اکتوبر 2024، بروز منگل پر بھنی شہر بلدیہ عظمی کی جانب سے منعقدہ انڈر 17 گرلز شوٹنگ بال میں دی میمن مرچنٹس اسوسی ایشن کے زیر انصرام چلنے والے ادارے مؤیدالمسلمین ہائی اسکول، عثمانیہ کالونی، پربھنی کی انڈر 17 – گرلز شوٹنگ بال چیمپئن شپ کا ٹائٹل جیت لیا۔اس موقع پر مقامی اسپورٹس عہدیداران،اور اسپورٹس انچارج عبدالحکیم سر نےٹورنامنٹ کے دوران لڑکیوں کا حوصلہ بڑھایا۔ مؤیدالمسلمین ہائی اسکول کے صدر مدرس محمد یوسف،سپروائزر سید اقبال سر اور دی میمن مرچنٹس اسوسی ایشن کے سیکریٹری جناب غلام محمد مٹھو نے مبارکباد دیتے ہوئے ان کی محنت، نظم و ضبط اور کھیل سے لگن کی تعریف کی۔ انہوں نے اس بات پر بھی زور دیا کہ لڑکیوں کو تعلیمی سرگرمیوں کے ساتھ کھیلوں میں بھی شرکت کی حوصلہ افزائی کی جانی چاہیے۔ اس طرح کی معلومات میڈیا انچارج محمد یوسف نے دی ۔