عیدالاضحی کے پیش نظر ہپی کلب فاؤنڈیشن کی میونسپل کمشنر سے نمائندگی

ناندیڑ:14؍جون ( نمائندہ اعتبار) ناندیڑ میونسپل کارپوریشن میں عیدالاضحی کے پیش نظر گزشتہ روزایک میٹنگ رکھی گئی تھی، جس میں ہپی کلب فاؤنڈیشن ناندیڑ کی جانب سے کئی مسائل پر توجہ مبذول کروائی گئی۔ جس میں عیدالاضحی کے موقع پر پانی کی سربراہی، بار بار لائٹ جانے کا مسئلہ( جو کہ ہر عید کے موقع پر ہوتا ہے)، ڈرینج لائن کی صفائی و دیگر انتظامات وغیرہ۔ ان باتوں کو میونسپل کمشنر کے سامنے رکھا گیا۔ میونسپل کمشنر نے اس بات کا تیقن دیا کہ ان سارے مسائل کو حل کیا جائے۔ اس موقع پر معززین شہر کی ایک کثیر تعداد موجود تھی۔